“خدمة الانستغراموز ماهيش ساهلة .. فما برشا ناس مسخو القطاع”

 تحدثت  الانستغراموز لينا التومي في برنامج خميس عليك على قناة تونسنا عن حياتها الخاصة و خاصة عن مهنة ” الانستغراموز” التي اصبحت مهنة العصر وحلم كل فتاة تونسية .

و قالت التومي : “خدمة الانستغراموز ماهيش ساهلة بالكل ينجم يكون عندك عدد كبير متاع متابعين اما ما عندكش retour… فما برشا ناس مسخو قطاع الانستغرام و المتابعين متاعهم fake اما ما عندهم وين يوصلو ، خاطر الretour هو الأهم و الثقة الي تبنيها مع المتابع و مع ال sponsor… اليوم الانستغرام هو عبارة عن تلفزة مصغرة و ساعات الاشهار فيه يبدا أقوى من التلفزة… انا نجرب المنتوجات الي بش نروجلهم ديما قبل خاطر فما مصداقية لازم تكون احنا خدمتنا انو نسهلو للناس منين و كيفاش يشريو نعطيوهم les bons plans و ننصحوهم ب les bonnes adresses… انا توا عندي مليون و 300 الف متابع و بعد جمعتين بش يوليو مليون و 400 الف متابع.. السنا نتخرج finance و القراية لازمة خاطر خدمة الانستغرام مش ديما مضمونة تنجم شهر تدخل مبلغ كبير متاع فلوس كيما شهر آخر تنجم ما تدخل حتى فرنك”